Një qytetar ditë më parë mori një semafor në qendër të Mitrovicës.
Ani pse u fotografua me mjetin sinjalizues në shpinë atë e la qindra metra më tutje, e që pastaj u gjet nga punëtorët e pastrimit.
Burri që nga të tjerët njihet si person me probleme mendore, mohon se këtë e bëri me vetëdije të plotë.
Katër ditë pas aktit, ky arsyetohet se nuk ka të kaluar problematike.
Por policia në Rajonin e Mitrovicës thotë ndryshe, pasi ky person është ndaluar por për shkak të gjendjes së tij shëndetësore nuk është inicuar rast.
Ndërsa nga komuna tregojnë se sinjalizuesi ka pasur disa probleme e që për të është njoftuar edhe kompania përgjegjëse.
