Fjolla Morina së fundmi mori vëmendje me disa paraqitje dhe deklarata në rrjetet sociale.
Për disa prej këtyre postimeve dhe portestën që kohë më parë thirri, këngëtarja ka folur në një intervistë për T7.
“Unë e kam thirrur protestë, nuk kam dal se kam qenë shumë e shqetësuar për diçka personale që më ka ndodhur, është e vështirë së ne duhet të përkrahim njëra-tjetrën, ne duhet të përkrahim gjithmonë, kështu është në çdo vend të botës, kam marr shumë mesazhe, pasuria ime më e madhe është kur të vijnë mesazhe nga gratë, nuk dola se thjeshtë nuk desha të dal, por kur vjen puna të fëmija nuk jam drejtuar tek institucionet ende, mendoj që duhet të pres se çfarë po bëhet”, ka thënë Fjolla.
Sa i përket gjendjes së saj emocionale, këngëtarja tha se është në formë të mirë dhe se nuk përdorë asnjë lloj medikamenti.
“U kisha thënë të gjithë atyre që mendojnë që nuk jam mirë, unë jam shumë mirë, perfekt shumë më mirë se disa që janë më të mençur, jam në rrugë të drejt, nuk kam probleme mendore siç po thonë, as nuk pi hapa, fle dhe zgjohem si njeri, e dërgoj vajzën në shkollë, i kryej punët e mia të shtëpisë dhe lokalit, ato janë llafe të kota, të rrugëve”, u shpreh tutje ajo.
Këngëtarja e hitit “Syn syn”, mes tjerash foli edhe për romancën e saj të re, duke pranuar se është në një lidhje dashurie.
Të gjitha kur të lidhen e postoni, është normale kur e don dikën duhet të tregosh, nuk është marre të duash, edhe unë jam në lidhje, ndonjëherë grindem me të, shahemi dhe bëna nervoz”, tha Fjolla.
