Nëse nuk përballemi me koronavirusin, të paparashikueshme do të jenë pasojat për biznesin, ndërsa mund të vijë edhe deri në paralizim të tërë ekonomisë. Koronavirusi nuk është vetëm çështje e shëndetësisë, por edhe e qeverisjes së të drejtës, e politikës, infrastrukturës, legjislacionit, burokratizimit, porositën kryetarët e odave ekonomike të Maqedonisë së Veriut, Shqipërisë, Kosovës, BeH-së, Malit të Zi dhe Serbisë.
Ata sot në seancën e Këshillit drejtues të Forumit investues të odave (FIO), theksuan se dëmet tani më janë të dukshme. Situata vazhdimisht po ndiqet. Veçanërisht shqetëson përhapja e virusit në vendet-partnere duke e pasur parasysh se rreth 80 për qind e eksportit shkon në BE.
Rënia e aktiviteteve ekonomike në Evropë është planifikuar në 3,4 për qind, ndërsa kjo, sipas biznesit, do të reflektojë në të gjitha ekonomitë kombëtare.
“Ekonomia i nënshtrohet goditjeve nga jashtë, nga të gjitha segmentet e shoqërisë. Kjo është matur dhe reflekton direkt ndaj bilancit pagesor të kompanive. Tërë këtë që e kemi punuar do të shumëzohet me zero nëse nuk jemi në gjendje t’i rregullojmë dhe marrëdhënie tjera me të cilat përballemi çdo ditë: mbrojtja e mjedisit jetësor, infrastruktura, qeverisja e të drejtës”, ka thënë kryetari i Odës ekonomike të Maqedonisë, Branko Azeski.
