Në fjalimin e tij në Kongres, presidenti i LDSM-së, Venko Filipçe, kritikoi veprimet e VMRO-DPMNE-së. Ai theksoi se ndërsa ata pretendojnë të jenë “evropianë të mëdhenj”, veprimet e tyre flasin ndryshe. Filipçe akuzoi qeverinë se e ka bllokuar Maqedoninë në rrugën e saj drejt BE-së, duke penguar reforma të rëndësishme dhe duke përdorur perspektivën europiane për fitime politike të momentit. Ai kujtoi se kur ishin në opozitë, këta politikanë kishin bërë gjithçka për të bllokuar marrëveshjet me Greqinë dhe Bullgarinë, të cilat hapën dyert për anëtarësimin në NATO dhe BE. Sipas tij, këto bllokada shkaktuan zhvillim të humbur për Maqedoninë dhe tani po shihen përsëri të njëjtat veprime destruktive.
Filipçe shtoi se VMRO-DPMNE-ja vazhdimisht shmang marrjen e përgjegjësisë. Ai i akuzoi ata për dyfytyrësi, duke thënë se e quajnë veten “popullorë”, por kurrë nuk kanë guximin të dalin përpara dhe të përballen me sfidat më të mëdha për shtetin. Sipas Filipçes, ata gjithmonë shmangin përgjegjësinë dhe fshihen në zonat e tyre të rehatshme, duke mbetur qyqar politikë. Ai gjithashtu theksoi se qytetarët janë të zgjuar dhe mund të i lexojnë politikanët që i kanë mashtruar më parë, duke humbur besimin e tyre pas gënjeshtrave politike të kaluar.
