Siç duket nuk e kanë as atë fuqi që të iniciojnë propozime, e jo më të miratojnë propozime, kjo ndodh kur nuk e ke legjitimitetin e popullit dhe si humbës çdo herë ke të vetmin qëllim që të vijnë në pushtet, kështu iu përgjigj propozimit të Arijanit Hoxhës nga Lëvizja Besa, për fikjen e dritave të kryqit në Vodno, si masë për kursimin e energjisë elektrike. Bekteshi tha institucionet fetare janë shpenzuesit më të mëdhenj të energjisë elektrike në vend.
“Ato të cilët konsumojnë më shumë energji elektrike janë objektet fetare, qofshin kishat apo edhe xhamitë. Sa i përket kryqit në Qytetin e Shkupit, është ingirencë e qytetit të Shkupit dhe përpara që të japim propozime të tilla, është mirë që përgjegjësinë që e kanë marrë dhe kanë koalicion të shumicës në Qytet të Shkupit, pikërisht përmes këshilltarëve të tyre që të dalin me propozim që të sjellin masa sa i përket kursimit të energjisë elektrike”, deklaroi Bekteshi.
Ndryshe gjatë ditë së djeshme Arjanit Hoxha nga Lëvizja Besa, akuzoi qeverinë se nuk po mer masa për të kursyer energjinë duke e krahasuar me fikjen e dritave në Kullës Eiffel-it. Hoxha në postimin e tij shkroi se “Në Paris merret vendim për të reduktuar ndriçimin e Kullës së Eiffel-it, duke kursyer kështu shpenzimet e panevojshme të energjisë elektrike sidomos në periudhën e krizës energjetike që ka filluar dhe pritet të thellohet gjatë këtij dimri.
Në vend që pushtetarët tonë të na tregojnë se si të përdorim energjinë elektrike në amvisri, ja publikisht i propozoj që të nisin kursimet nga vetja dhe të ndalin ndriçimin e panevojshëm në Kryqin e Mileniumit në Vodno të Shkupit!”.
