Një kuadër i cili ngado që ka lëvizur ka lënë gjurmë për të mirë duke avancuar kështu programin e punës e njëkohësisht edhe statusin e shqiptarëve në institucionet që ka drejtuar. Festim Halili ka pak ditë që ka marrë në dorë drejtimin e NP Radiodifuzioni Nacional duke lëvizur kështu nga NP Hekurudhat – Infrastruktura. Krahas angazhimit për 12 vite me rradhë në sektorin publik dhe privat në fushën e teknologjive të informacionit si dhe komunikimet elektronike, ai në këtë ndërmarje pritet që të realizojë agjendën digjitale europiane në vend.
