Evropa po hyn në ‘përfundimin e mundëshm’ të pandemisë së koronavirusit, tha një drejtor i Organizatës Botërore të Shëndetësisë.Dr.Hans Kluge, drejtor rajonal i OBSh-së për Evropën, tha se rajoni ka regjistruar 12 milionë raste të reja me COVID-19 në javët e fundit, me 30 përqind të të gjitha rasteve që nga fillimi i raportimit të pandemisë këtë vit.Ai tha se ekziston një “mundësi për të marrë kontrollin e transmetimit” sepse shumë prej tyre janë imun ndaj Omicron nëpërmjet infeksionit natyror ose vaksinimit.Dr.Kluge tha se ka një “pauzë të favorshme sezonale ndërsa largohemi nga dimri”, ndërsa “ashpërsia më e ulët e variantit Omicron” po ndihmon gjithashtu.“Ky kontekst, që nuk e kemi përjetuar deri më tani në këtë pandemi, na lë mundësinë për një periudhë të gjatë qetësie dhe një nivel shumë më të lartë të mbrojtjes së popullsisë kundër çdo ringritjeje në transmetim, qoftë edhe me një variant më virulent”, tha ai.“Kjo periudhë e mbrojtjes më të lartë duhet të shihet si një armëpushim që mund të na sjellë paqe të qëndrueshme”.Dr.Kluge tha se Evropa duhet të vazhdojë të “ruajë imunitetin duke mbajtur vaksinimin dhe të forcojë, të mbrojë më të cenuarit, të promovojë sjelljen vetëmbrojtëse dhe përgjegjësinë individuale dhe të intensifikojë mbikëqyrjen për të zbuluar variante të reja”.Ai tha se variantet e reja janë të pashmangshme, por sugjeroi se masat e mëparshme të bllokimit nuk do të nevojiten.“Unë besoj se është e mundur t’i përgjigjemi varianteve të reja që do të shfaqen në mënyrë të pashmangshme pa riinstaluar llojin e masave përçarëse që na duheshin më parë”, tha ai, shkruan NewsSky, transmeton Klankosova.tv.
