Janë evakuuar diplomatët e Maqedonisë së Veriut, të cilët kishin mbetur të bllokuar në ndërtesën e ambasadës së Maqedonisë në Kiev. Ata për momentin janë rrugës për në Moldavi përmes korridorit të siguruar.
Kështu ka njoftuar ministri i jashtëm, Bujar Osmani, ku ka theksuar se gjithashtu janë evakuuar edhe 30 monitorues.
”Kemi ndërmarrë disa veprime me partnerët tanë dhe arritëm që disi që diku para gjysëm ore ti terheqim diplomatët tanë nëpërmjet një korridori të sigurtë dhe ata tashmë janë nisur drejt Moldavisë, dhe gjithashtu sot arritëm që ti evakuojmë gjegjësisht të fillojmë me procesin e evakuimit për monitoruesit tanë në kuadër të misionit special për monitorim. E dini se kemi pasur 30 monitorues atje dhe një pjesë e tyre janë nisur drejt Moldavisë, dhe pjesa tjetër drejt Polonisë”, ka thënë ai.
Bashkë me diplomatët kanë arritur të evakuojnë edhe një familje. Osmani shtoi se të gjithë për momentin janë rrugës dhe për arsye të sigurisë nuk mund të jep informacione shtesë për këtë çështje./tv21
