E përditshmja britanike “The Guardian” ka dhënë lajmin e madh se këngëtarja kosovare, Era Istrefi, do ta këndojë këngën zyrtare të Kupës së Botës në një duet me aktorin Will Smith dhe Nicky Jam.
Diplo do ta prodhojë këngën e cila pritet të publikohet të premten, shkruan Guardian duke u thirrur në burime të Billboard, përcjell Fakte.
Will Smith po i rikthehet muzikës, pasi do ta incizojë himnin zyrtar të Kupës së Botës 2018 me yllin e zhanrit të muzikës reggaeton, Nucky Jam dhe këngëtaren kosovare të muzikës pop, Era Istrefin, shkruan e përditshmja britanike.
Kënga pritet të publikohet më 25 maj dhe është duke u prodhuar nga Diplo, producenti amerikan që i ka realizuar hitet “Lean On” dhe “Cold Water” me grupin e tij Major Lazer.
Kënga zyrtare e Kupës së Botës zakonisht performohet në ceremoninë hapëse apo përmbyllëse të turneut.
