I gjithë planeti është i shqetësuar se futbolli do të mbetet pa “mbretin”, Pele.
Legjenda braziliane kohët e fundit po bën betejën më të vështirë të jetës kundër kancerit, pasi familja e tij dita ditës tregon se gjendja e tij shëndetësore po përkeqësohet vazhdimisht.
E gjithë familja e tij, fëmijët dhe nipërit, si dhe bashkëshortja e tij Marcia Shibele Aoki, janë pranë tij në këto orë kritike dhe po përpiqen me besim dhe përqafim ta mbështesin në “ndeshjen” më të vështirë të jetës së tij.
Kush është gruaja e tretë e Peles?
Në krah të tij përveç vajzave të Kelly-t, Flavia dhe djalit Edinio, qëndron edhe bashkëshortja e tij Aoki. Por kush është “heroi” i pakënduar, Marcia Shibele Aoki.
Gruaja që nga momenti kur u martuan i qëndroi në krah, edhe kur kanceri i “trokiti” në derë. Siç deklaroi vajza e Kelly-t, atëherë në vitin 2021, kur Pele po shërohej nga heqja e tumorit: ” Një person që ishte gjithmonë këtu para se të mbërrija unë, për të ndërruar turne, një person që flinte në këtë divan për 20 netë, duke u kujdesur për të në një mënyrë për të cilën nuk mund ta falënderoj kurrë aq sa duhet, pavarësisht sa mundohem. Një grua dhe mike e shkëlqyer.”
