Ligjvënësi Eliot Engel dhe senatori Bob Menendez, u shprehën të hënën të shqetësuar me faktin se Shtetet e Bashkuara ushtruan trysni mbi qeverinë e Kosovës për heqjen e tarifave ndaj mallrave serbe, por nuk po ushtrojnë trysni të duhur mbi Beogradin për të ndalur fushatën e tij kundër pavarësisë së Kosovës.
Në një letër dërguar Sekretarit të Shtetit, Mike Pompeo, ata shprehën shqetësimin e tyre mbi qasjen e administratës së presidenti Donald Trump ndaj Kosovës dhe Serbisë.
“Ne jemi të shqetësuar se Shtetet e Bashkuara kanë ndërmarrë një qasje më të rëndë ndaj qeverisë së zgjedhur të Kosovës”, thuhet në letrën e Kryetarit të Komisionit të Dhomës së Përfaqësuesve për Marrëdhëniet me Jashtë, Eliot Engel dhe anëtarit të Komisionit të Senatit për Marrëdhëniet me Jashtë, Bob Menendez.
Today Chair @RepEliotEngel & Ranking Member @SenatorMenendez sent @SecPompeo a letter expressing concern about the Administration’s heavy-handed tactics with Kosovo while overlooking Serbia’s derecognition efforts & ties with Russia.
⬇️Read the letter⬇️https://t.co/tdQsIlUqh0
— House Foreign Affairs Committee Dems (@HouseForeign) April 13, 2020
