Në vitin 1642 Abel Tasman filloi një mision. Tasman ishte i bindur për ekzistencën e një kontinenti të madh në Hemisferën Jugore dhe ishte i vendosur për ta gjetur. Në atë kohë, kjo pjesë e Tokës ishte akoma shumë e mistershme për evropianët, por ata kishin një besim të patundur që aty do të gjenin një masë të madhe toke.
Më 14 gusht, Tasman e nisi lundrimin nga Xhakarta në Indonezi me dy anije të vogla dhe u drejtua në perëndim, jug, dhe pastaj për në lindje duke përfunduar kështu në ishullin jugor të Zelandës së Re. Takimi i tij i parë me vendasit të quajtur Maori nuk shkoi dhe aq mirë.
Gjatë një përplasje katër evropian vdiqën. Ky ishte fund i misionit të Tasman. Ai e quajti vendndodhjen Moordenaers (vrasësit) dhe u kthye në shtëpi disa javë më vonë, pa vendosur këmbë në atë tokë. Ai nuk u kthye më aty,edhe pse kishte të drejtë për faktin që ajo tokë ishte një kontinent i humbur. Në vitin 2017, një grup gjeologësh deklaruan se kishin zbuluar Zealandian.
Pavarësisht dyshimeve të hedhura gjeologët vërtetuan që ekziston një kontinent i tetë, i cili ka thyer rekorde pasi është kontinenti më i vogël, i hollë, dhe më i riu në botë. 94% i kontinentit është nën ujë. Pas katër viteve ky kontinent vazhdon të jetë një enigmë akoma për faktin që ndodhet dy kilometra nën ujë.
Provat e para të ekzistencës së Zealandias janë zbuluar nga skocezi James Hector në virin 1895. Megjithatë, në vitin 1995 gjeologu amerikan Bruce Luyendyk e quajti kontinent dhe sugjeroi të quhej Zealandia. Zelandia fillimisht ishte pjesë e Gondwana-së. Sipas Tulloch Zealoandia filloj të shkëputej 105 milion vite më pare, por ata nuk mund ta shpjegonin dot këtë fenomen.
Një tjetër mister është fakti që kur Zealandia përfundoi nën ujë, kontinenti u konsiderua si tokë e thatë. Kjo ngriti dhe pyetjen se çfarë mund të ketë jetuar atje. Janë hedhur disa teori edhe mbi ekzistencën e dinozaurëve. Sutherland ka deklaruar se “nëqoftëse ka ujë deri në 10 metra, atëherë ka mundësi që ka pasur dhe tokë përreth”. Një mister tjetër është gjithashtu forma e Zealandias në hartë.
Ajo paraqitet shumë e hollë. Tulloch shtoi se “ka interpretime të ndryshme mbi këtë çështje por që vazhdon të mbetet një gjë e pa zbuluar “. Edhe pas kërkimeve të Tasmanit, 400 vjet më parë, kontinenti i tetë ka akoma shumë për të zbuluar.
