Kështu udhëtoi një emigrant që largohej nga Libia, hipur në anijen e shpëtimit Sea-Eye 4, pasi u shpëtua nga ekuipazhi i anijes me vela Nadir të OJQ-së Reqship:
Me numrin e telefonit të shkruar me stilolaps në bluzën e veshur gjatë rrugëtimit të shpresës drejt Europës, duke kaluar Mesdheun.
Burri kishte qenë në mëshirën e dallgëve me 88 udhwtarw tw tjerw për tre ditë pa ushqim dhe pa ujë.
“Frika më e madhe e këtij të mbijetuari është të mbytet dhe të mos lajmërojë askush familjen. Kështu gjatë udhëtimit ai ka veshur bluzën me kontaktet e të dashurve të tij për të njoftuar në rast se dikush gjen trupin e tij”, shkruan shoqata në kanalet e saj sociale duke publikuar foton e bluzës së varur për t’u tharë.
Ndërkohë, 600 emigrantë janë larguar nga pika e nxehtë e Imbriacola, në Lampedusa, në bordin e anijes Diciotti të Rojës Bregdetare. Ata do të transferohen në Porto Empedocle. Grupe të vogla, të shoqëruara nga policia – ku prioritet kanë gratë, familjet, të miturit dhe personat në nevojë, hipin në mikrobusë dhe arrijnë në Cala Pisana ku është ankoruar anija Diciotti.
Komandanti i njësisë para nisjes, kwrkon qw ata të ekzaminohen nga personeli mjekësor për të shmangur rastet me Covid. Një emigrant nuk ka qenë në bord pasi ka kollë dhe nuk përjashtohet që dikush tjetër, jo në gjendje të përsosur shëndetësore, të mos pranohet në bordin e anijes së Rojës Bregdetare. Me një traget tjetër, Sansovino, u larguan 151 të mitur të pashoqëruar. Situata ngelet e pasigurt.
