“Puna nga shtëpia” gjatë vitit të kaluar në mënyrë të befasishme u bë termi më i përdorur në mbarë botën.
Opinionit çdo herë e më shumë ka filluar t’i interesoj sistemi i ri i teknologjisë, që ju ndihmon madje edhe industrive tradicionale siç janë ato të transportit. Një prej sistemeve që do të mund të siguronte një mundësi të tillë, por që sërish ka rifituar interesimin është Teleoperation, kompania suedeze Voysys – teknologji kjo që i mundëson nga distanca të drejtojnë kamionët përmes rrjetit 5G.
Në kombinim me teknologjinë e realitetit virtual, këto sisteme do të mund të gjejnë zëvendësimin edhe tek drejtimi nga distanca të makinerive të ndryshme.
Rrjetet e telekomunikimit do të mund t’ju mundësonin shoferëve të kamionëve të punojnë nga distanca, duke përdorur teknologjinë e realitetit virtual.
Shoferët do të mund të uleshin në qendrën komanduese, mijëra kilometra larg kamionit që bartë mallra të ndryshme. Në ekran para tyre do të kishin kamera nga mjetet autonome, të cilat do të mund t’i drejtonin sikur të ishin para timonit.
Operatorët do të përdornin kupolën me video-ekrane apo dëgjuese RV (realiteti virtual). Sistemi u ofron operatorëve pamje prej 180 gradë.
