Një grua në Alabama me mitër të dyfishtë po pret dy foshnja nga të dyja mitrat, në një shtatzëni të rrallë dhe mahnitëse.
32-vjeçarja Kelsey Hatcher, nënë e tre fëmijë, ka lindur me një anomali të rrallë që quhet “uterus didelphis”, ose dy mitra. Megjithatë, deri në pranverën e kaluar ajo nuk u diagnostikua me të, kur zbuloi se ishte shtatzënë – në secilën mitër.
Kjo anomali prej 0.3% të grave. Anomalia formohet në embrionin femëror shumë herët gjatë zhvillimit, diku rreth tetë javë nga ngjizja, sipas studiuesve.
Ndërsa Hatcher përgatitet për dy foshnja, mjekët po përgatiten që të kenë mjekë shtesë në disponim për lindjen e saj. Gruaja me mitër të dyfishtë mund të paraqesë sfida të veçanta për mjekët, raportoi Guardian.
Foshnjat mund të lindin me orë apo ditë larg njëra-tjetrës, pasi mitrat mund të funksionojnë si të pavarura njëra prej tjetrës.
Teksa të gjithë pajtohen se shtatzënia e tillë është e mrekullueshme, një çështje që ngrihet është se a mund të konsiderohen këta dy fëmijë në mitrën e dyfishtë si binjakë.
