Dy persona u lënduan rëndë dje në rrugën Gradsko-Negotinë dhe Negotinë-Demir Kapi. Për të dy ngjarjet sot informoi Veroljub Dodevski, zëdhënës i SPB Veles.
“Dje rreth orës 15:00 në rrugën rajonale Gradsko-Negotinë, automjeti ‘Audi’ me targa të Gjevgjelisë, i drejtuar nga I.Gj (49) nga Gjevgjelia, doli nga rruga dhe u përplas në një kanal prej balte. Shoferi pësoi lëndime të rënda trupore dhe u dërgua në spitalin e Velesit për dhënien e trajtimit mjekësor. Inspektimi është kryer nga një ekip i SPB Veles”, kumtoi Dodevski.
Paraprakisht, në orën 09:00 në rrugën rajonale Negotinë-Demir Kapi, afër vendit të quajtur “Ostrovo”, S.D (69) nga Shkupi, duke drejtuar motoçikletë “tomopar 150T” me targa të Shkupit, ra në rrugë. Ai pësoi lëndime të rënda dhe u dërgua në spitalin në Negotinë. Inspektimi u krye nga ekipi nga SPB Veles.
Dodevski informoi se dje në orën 13:00 në DPB Kavadar, D.T (57) nga Kavadari lajmëroi se rreth orës 10:00 , pas fjalosjes së shkurtër, pati përleshje fizike mes tij dhe fqinjëve të tij të moshës 68 dhe 46 vjeç. Pasi të dokumentohet plotësisht lënda, do të parashtrohet padi adekuate.
