Më 15.07.2024, oficerët e policisë nga Sektori për Punë të Brendshme në Makedonski Brod i kanë privuar nga liria T.T. (63) nga Makedonski Brod, A.T. (39) nga Makedonski Brod, D.D. (21) nga fshati Suvodol, Makedonski Brod dhe I.M. (29) nga Kërçova, për shkak të dyshimit për përfshirje në vepër penale sipas nenit 123 të Kodit Penal. Konkretisht, siç kishte raportuar më parë T.T., rreth orës 23:00, në oborrin e shtëpisë së tij në fshatin Kalugjerac, komuna e Makedonski Brodit, gjatë pastrimit të një pushke gjahu, pushka kishte shkrepur një plumb që kishte goditur D.S. (31) nga Kërçova, me të cilin të gjithë kishin qenë në gjueti. Nga plagët e marra, D.S. kishte vdekur në vendngjarje, dhe vdekjen e kishte konstatuar një mjek nga Ndihma e Shpejtë Mjekësore. Hetimin në vendngjarje e kishte kryer një ekip hetues nga Sektori për Punë të Brendshme në Makedonski Brod, dhe me urdhër të prokurorit publik, trupi i të ndjerit ishte dërguar për autopsi.
