Pas vendimit të Gjykata Supreme lidhur ankesat kundër vendimeve të Panelit Zgjedhor për Ankesa dhe Parashtresa, ka reaguar Duda Balje, kryetare e Lista e Bashkimit Socialdemokrat (SDU). Përmes një postimi në llogarinë e saj në rrjetin social Facebook, Balje ka shkruar se u vërtetua dhe konfirmua nga shteti ligjor i Kosovës që askush nuk mundet të shkelë dinjitetin e asnjë komuniteti me vota të një komuniteti tjetër.
“Shteti i Kosovës është shtet demokratik dhe ligjor, kurse ata që deklarojnë se Kosova është shtet jo ligjor kanë probleme serioze me demokracinë dhe drejtësinë. Kur dikush që ka dashur të dhunoj demokracinë e Kosovës flet për jo demokraci atëherë nuk do shumë koment”, ka shkruar ndër të tjerash ajo.
Postimi i plot i Duda Balje:
KRENARE ME SHTETIN TIM KOSOVËN ! U vërtetua dhe konfirmua nga shteti ligjor i Kosovës që askush nuk mundet të shkelë dinjitetin e asnjë komuniteti me vota të një komuniteti tjetër. Tash e tutje çdo kush kur të aplikon për mandate të rezervuara e ka të kjart që nuk mund të luaj me vullnetin e askujt! Shteti i Kosovës është shtet demokratik dhe ligjor, kurse ata që deklarojn se Kosova është shtet jo ligjor kanë probleme serioze me demokracin dhe drejtësin. Kur dikush që ka dashur të dhunoj demokracin e Kosovës flet për jodemokraci atëherë nuk do shumë koment. Sinqerisht më vjen keq që shumë njerzë janë terrorizuar në këto zgjedhje. Mirëpo verdikti i organeve të drejtësis së shtetit të Kosovës tregoi se demokracia nuk mund dhe nuk do lejohet të shkelët nga askush. Arrestimet për keqpërdorimet në procesin zgjedhor janë sinjal i kjart që s’ka lojë me shtetin ligjor. Unë i falenderohem të gjithëve që e dhan kontributin e pashoqë që drejtësia të fitoj. I falenderohem PZAP-së, Gjykatës Supreme, Instituit Demokratik të Kosovës, OJQ-ve, opinionistve dhe mediumeve të Kosovës që ndihmuan që e vërteta dhe drejtësia te ngadhnjej fuqishëm.
