Doktori i Klinikës së Pulmologjisë, Shpëtim Thaçi, ka postuar një fotografi familjare duke treguar sfidat që po kalojnë ai, gruaja dhe fëmijët e tij në këto çaste kur koronavirusi është përhapur edhe në Kosove.
Sot pasdite janë shënuar edhe rastet e para të koronavirusit në Kosovë, ku dy persona të ardhur nga Italia rezultuan pozitiv.
Menjëherë pas kësaj janë marrë vendime nga Qeveria dhe organet tjera që të parandalohet përhapja e këtij virusi.
Ndërkaq doktori i Pulmologjisë Shpëtim Thaçi, ka publikuar në Facebook një shkrim me një fotografi familjare ku tregon se ai së bashku me gruan e tij, janë të përkushtuar që t’i dalin në ndihmë njerëzve, për t’i bërë ballë virusit i cili erdhi fillimisht nga Kina dhe u përhap në Europë.
“Unë Dr Shpëtim Thaçi në Klinikën e Pulmologjisë (PARADITE). Dr Vlora Esati- Thaçi në QKMF Prishtinë (PASDITE). Fëmijët 24 orë ne kontakt me ne. Bashkë do ja dalim. Pa panik, por me kujdes të shtuar”, ka shkruar Thaçi në Facebook.
Kujtojmë se në Kosovë deri më tani kanë rezultuar vetëm dy persona me koronavirus dhe pritet që numri të rritet.
Postimi i plotë i Shpëtim Thaçit në Facebook.
