Në Maqedoninë e Veriut u zhvillua dita e pestë e fushatës parazgjedhore për Zgjedhjet Lokale që pritet të mbahen më 17 tetor, ndërkohë bartës të fushatës vazhdojnë të qëndrojnë liderët e partive, transmeton Portalb.mk.
Kryetari i LSDM-së, Zoran Zaev sonte qëndroi në Veles, nga ku tha se NATO është gjithashtu një investim, për të vazhduar në rrugën e duhur për një të re, për të plotësuar numrin 12 për “Më të mirët”!. Presidenti Zaev kërkoi nga qytetarët mbështetje të fortë për kandidatin Nenad Kociq për Velesin dhe për LSDM -në për komunat e tjera.
Kryetari i VMRO-DPMNE-së, Hristijan Mickoski në tubimin e sotëm parazgjedhor në Manastir tha se patriotizmi i përbashkët është kur lufta kundër krimit në Maqedoni do të jetë pa kompromis dhe kur me Manastirin dhe qytetet anembanë vendit nuk do të jenë më qytete klanesh. “Patriotizmi i përbashkët është sigurimi i pagave më të larta. Për të pasur më shumë para për njerëzit në xhep. Le të ndërtojmë një spital të ri klinik që nuk do të ketë vlerë gjysmë miliardë euro sepse këta njerëz po ndjekin komisione të rënda nga kujdesi shëndetësor. Kur do të kemi fermerë të kënaqur, djersa dhe mundimi i të cilëve do të paguhet deri në qindarkën e fundit, tha Mickoski.
BDI-ja aktivitetet partiake të udhëhequra nga kryetari Ali Ahmeti, i zhvilloi në Haraçinë dhe në Hasanbeg ku para të pranishmëve u tha se prioritet i BDI-së ka qenë ngritja e kuadrove dhe shkollimi i tyre. Nga aty, kjo parti u shpreh se janë të fokusuar në gazifikim, në hekurudha, në digjitalizim, në kanalizime dhe ujësjellës në gjithë vendbanimet.
Kryetari i Aleancës për Shqiptarët, Ziadin Sela, në vazhdën e takimeve me qytetarët për zgjedhjet lokale, sonte është ndaluar në Komunën e Kërçovës. Sela kërkoi votën e kërçovarëve në listën e Këshilltarëve, por bëri thirrje që të votohet edhe kandidati i pavarur Fatmir Limani. Thotë se ka nevojë për ndryshim.
Sot, kreu i Lëvizjes Besa, njëherit edhe kandidati për kryetar të Komunës së Tetovës në zgjedhjet lokale 2021, Bilall Kasami ka vizituar kompleksin Arabati Baba Teqe në Tetovë. Në prani të qytetarëve nga lagja e Teqes, Kasami ka premtuar se gjatë mandatit të tij, përveç përkushtimit për pastrimin e qytetit nga mbeturinat dhe rregullimin e çështjeve tjera që e tangojnë komunën do të angazhohet edhe për jetën kulturore dhe artistike në qytetin e Tetovës.
PDSH-ja sot ishte në fshatin Novosellë të Komunës së Bogovinës, ku kandidati për kryetar komune Dashmir Arifi dhe bartësi i listës Abib Tairi shpalosën platformën për zgjedhjet e 17 Tetorit. Në tubim ishte prezent edhe kryetari i PDSH-së Z.Menduh Thaçi.
Në takimin e sotëm me qytetarët e Gjorçe Petrov, kandidatja e pavarur për kryetare të Shkupit, Danela Arsovska tha se nuk mund të presim edhe 4 vjet që dikush të vjedhë të ardhmen e Shkupit. Arsovska tha gjithashtu se të papunët po largohen dhe po vjen koha për zgjidhje të shpejta dhe të sigurta, se tani është koha për profesionistë, menaxherë dhe njerëz të ndershëm që punojnë. “Ne jemi profesionistë që ofrojmë zgjidhje,” shtoi Arsovska.
Mbartësja e listës së kandidatëve për këshilltarë në Këshillin e ardhshëm të Komunës së Kumanovës Ivana Gjorgjievska nga nisma civile “Për Kumanovën tonë”, tha se së bashku me kandidatin për kryetar Maksim Dimitrievski Kumanova do të bëhet një Evropian, modern dhe i begatë vend per te jetuar. Kandidati i pavarur për kryetar Maksim Dimitrievski theksoi se është një nder të jesh me një ekip të tillë. Njerëz të dëshmuar në profesionet e tyre.
