Maqedonia e Veriut nuk është gati të nisë negociatat me BE-në. Dua të them se është gati, por nuk shoh arsye për këtë, tha sot për BNT, profesor Angel Dimitrov, bashkëkryetar i komisionit të përbashkët historik midis Bullgarisë dhe Republikës së Maqedonisë së Veriut. Ai thotë se Bullgaria dëshiron ta shohë vendin në BE, por gjithmonë ka një “por”, që përcaktohet nga gatishmëria e vendeve kandidate.
Të enjten do të mbahet mbledhja e radhës e Komisionit të Përbashkët Historik.
“Për çfarë po flasim do të diskutojmë pesë seanca me radhë. Jemi mbërthyer në shekullin 10-11 – fundi i Mbretërisë së Parë Bullgare, koha e mbret Samuelit dhe pasardhësve të tij. “Nuk ka mbetur kohë për të folur për përkujtimin e përbashkët të Goce Dellçevit”, tha profesor Dimitrov.
Sipas tij, ka një hezitim nga ana e RSM për të punuar sipas parimeve karakteristike për secilën shkencë. Karakteristikë e shkencës historike është referenca dhe respektimi i fakteve dhe burimeve, thotë Dimitrov. “Për ta kjo është një rrugë e rrëshqitshme, sepse nuk ka asnjë dëshmi historike për të folur për ekzistencën e popullit maqedonas, për shtetin maqedonas dhe për Samuelin për mbret maqedonas, për të filluar një diskutim serioz”, tha profesor Dimitrov.
Ministri i Punëve të Jashtme të Maqedonisë Bujar Osmani dje në një konferencë për media tha se bisedimet me Bullgarinë janë intensive dhe vazhdojnë dhe se pala maqedonase dhjetori është cak për arritjen e marrëveshjes. Bullgaria ka një vit që bllokon fillimin e bisedimeve të anëtarësimit të Maqedonisë në BE.
