Kryetari i Komunës së Kumanovës, Maksim Dimitrievski në profilin e tij në Facebook shkruar se asnjëherë nuk është larguar nga LSDM-ja, se është anëtarë i LSDM-së dhe për këtë arsye nuk ka nevojë që të kthehet në LSDM, ai nënvizon se po pret mbledhjen e Komitetit Qendror të partisë.
“Askush nuk mund të më kthejë në partinë nga e cila nuk jam larguar kurrë dhe sipas statutit të LSDM-së sime, jam ende anëtar dhe në të njëjtën kohë pres me padurim mbledhjen e Komitetit Qendror, ku do të diskutojmë statusin tim, por edhe politikat humbëse të një pjese të udhëheqësisë të cilët na çuan në këtë gjendje” shkruan mes tjerash në facebook Maksim Dimitrievski duke shtuar se LSDM-ja ka nevojë për reforma.
