Epidemiologët me testimet e fundit për zbulimin e të infektuarve të rinj me virusin korona në rajonin e Gostivarit, regjistruan dhjetë raste të reja.
Nga shtabi ndërkomunal i krizës konfirmuan se rezultatet e testeve me Kovid-19 ishin pozitivë te shtatë persona nga komuna e Gostivarit dhe tre në komunën e Vrapçishtës. Në komunën me numër më të vogël të banorëve në Gostivar, Mavrovë dhe Rostushë nuk ka raste të reja.
Deri më sot numri i përgjithshëm i rasteve aktive në rajonin e Gostivarit arriti 44. Në komunën e Gostivarit aktivë janë 23, në Vrapçisht 17 ndërsa në Mavrovë dhe Rostushë 4 raste. Që nga fillimi i pandemisë, në rajonin e Gostivarit janë bërë mbi 500 testime dhe gjithsej janë regjistruar 67 rezultate pozitive (33 në Gostivar, 27 në Vrapçisht dhe në Mavrovë Rostushë 7). Si pasojë e infektimit me virus ndërruan jetë katër persona. Si të shëruar konsiderohen 19 pacientë.
