Me kalimin e muajit nëntor, punëtorët po pyesin gjithnjë e më shumë se kur do të jetë “dita e gjykimit” për të pasuruar llogarinë e tyre me një qindarkë plus, apo çfarë do të thotë K15. E meqë sivjet ajo shumë do të jetë 12.500 denarë ose saktësisht rreth 200 euro, mund të konstatohet se fluksi i pritur nuk është edhe aq i keq.
Nga ana tjetër, disa punonjës tashmë kanë marrë rekursin nga punëdhënësit e tyre, por janë në një numër shumë më të vogël dhe pagesat më të mëdha priten në ditët në vijim, përcjell Pa Censurê!
Siç sqaron për Factor Jovan Jovanoski, ndihmës shef i Departamentit për Inspektim në Inspektoratin Shtetëror të Punës, pagesa e pagës për pushime është e përcaktuar me Ligjin për marrëdhënie të punës dhe e rregulluar me Marrëveshje Kolektive. Pagesa e detyrueshme e K15 është paraparë për sektorin privat në përputhje me marrëveshjen e përgjithshme kolektive në fushën e ekonomisë.
Rekursi duhet të paguhet jo më vonë se data 31.12 i vitit aktual. Duhet të paguhet nga çdo punëdhënës për të cilin punëmarrësi ka punuar në vitin aktual të paktën gjashtë muaj, pra ka pasur një marrëdhënie pune të pandërprerë prej gjashtë muajsh në atë kompani. Kjo do të thotë se edhe nëse një punëtor në ndërkohë është larguar nga një kompani e caktuar, nëse ka punuar në vazhdim për gjysmë viti, punëdhënësi ka për obligim t’i paguajë K15 për atë vit brenda afatit të përcaktuar me ligj.
