Një ngjarje e rëndë ka dalë në dritë orët e fundit në Agrinio, ku një fëmijë 4v vjeç është abuzuar nga një 28-vjeçar.
Sipas informacioneve të deritanishme, bëhet fjalë për një futbollist. Në kohën kur akuzohet se ka ngacmuar fëmijën katër vjeç, ai ka qenë ushtar në një zonë aty pranë dhe e ka vizituar shpesh nënën e tij në shtëpinë e djalit, ku ajo punonte si dado.
Por kur 52-vjeçarja zbuloi veprimet e urryera të djalit të saj, jo vetëm i mbuloi ato, por e lejoi atë të vazhdonte t’i kryente.
Prindërit e katërvjeçarit dyshuan se diçka nuk shkonte kur vunë re një ndryshim në sjelljen e tij, por edhe kur panë disa nga vizatimet e tij. Më pas, ata iu drejtuan një specialisti, i cili e kuptoi shumë shpejt se çfarë kishte ndodhur.
Në verën e vitit 2021 ka nisur denoncimi ndaj 28-vjeçarit.
Ka qenë vera e vitit 2021 kur babai i fëmijës ka denoncuar në Drejtorinë e Sigurimit të Agrinit 52-vjeçaren dhe djalin e saj për abuzime me djalin e tij katërvjeçar. Gruaja ishte kujdestarja e fëmijës dhe për këtë arsye djali i saj kishte akses të lehtë me djalin e vogël.
