Ditën e djeshme, disa grupe qytetarësh serb u përplasën me Policinë e Kosovës e cila po ndihmonte kryetarët e zgjedhur të tre komunave të banuara me shumicë serbe në veriun e vendit për të hyrë në zyrat e tyre dhe filluar procesin e punës.
Përveç reagimeve të shumta nga ndërkombëtarët dhe vendorët, ka reaguar edhe aktori i njohur, Çun Lajçi përmes një postimi në Facebook.
Aktori ka thënë se kryeministri Albin Kurti po i plotëson premtimet e fushatës që në çdo pjesë të vend të sundoi rendi dhe ligji.
Ai tha se standardet e dyfishta le t’i zbatojnë evropianët e amerikanët e pastaj le të insistojnë për të tilla standarde edhe në Kosovë.
Postimi i plotë i Çun Lajçit:
Shqiptarë
Jo ju që i shikoni televizorët, po ju që televizorët i bëni me dalë menç, mos u bëni dhelpra, se kaçubat i ka djegë Serbia njëherë e një kohë e pallatet që i keni ndërtua me “djersën e ballit” pa i zbrazë kuletat, ato mund të luhatën nga ndrojtja e juaj!
– Albini e plotësoi premtimin e fushatës – në çdo cep do të sundoi rendi e ligji e do të funksionoi shteti. Kosovë do të jetë veriu e jugu, pavarësisht a i pëlqen Amerikës apo Evropës.
Standardet e dyfishta le t’i zbatojnë evropianët e amerikanët e pastaj le të insistojnë për të tilla standarde edhe në Kosovë!
Rrnoftë Kosova! Rrnoftë populli i saj. Rrnoftë policia e ushtria kosovare e rrnoftë Albin Kurti!
“Edhe ti Mbreti Stambollës (thoshte Fishta) qi po thua se Krajl Nikollës, … e unë po të them ty Edi Rama, shikoj mirë punët e Shqipërisë e mos ia mbaj zhagun Vuçiqit, … “se Shqipëria shportë me fiq nuk ka qillue, qi mua nda miqve peshqesh”.
