Ministri i Punëve të Brendshme Naqe Çulev, duke u përgjigjur në pyetjen e gazetarëve për atë se si do të veprohet me personat e pastrehë për shkak të orës policore, në konferencën e sotme për shtyp tha se ata do të akomodohen në pikën “Momin Potok”, që është menaxhuar nga ana e Kryqit të Kuq.
Ndërsa në lidhje me personat që vijnë nga shtetet tjera, ai tha se do të akomodohen në karantinën adekuate të përcaktuar nga shteti, përcjell Telegrafi Maqedoni.
“Për momentin ka vetëm pesë persona të cilët janë në Deve Bair, të cilët kanë ardhur para një orë e gjysmë dhe tani duhet të akomodohen në karantinë adekuate shtetërore. Në lidhje me personat të cilët prej më 22 mars nga ora 07:00 deri më 23 mars në orën 07:00 kanë dalur jashtë kufijve të shtetit tonë, ndërsa janë shtetas të Maqedonisë, janë dy në Tabanovc dhe shtatë në aeroportin ndërkombëtar në Shkup, përmes karvanit humanitar edhe ata nënshkruajtën deklaratë se nuk do të kthehen në vend në afat prej 90 ditëve”, tha Çulev në lidhje me atë se sa persona kanë hyrë dhe dalur nga shteti.
Rreth asaj se sa automjete janë regjistruar në hyrje dhe dalje nga shteti, Çulev deklaroi se në hyrje dhe dalje të shtetit tonë janë regjistruar 1.044 automjete të huaja transportuese dhe 853 automjete transportuese të Maqedonisë, prej të cilave në hyrje 585 automjete transportuese, nga të cilat në shtatë automjete janë regjistruar nga dy shoferë, ndërsa 22 automjete të huaja janë vozitur nga shtetas të Maqedonisë./Telegrafi/
