Në ankesat e besimtarëve nga BFI se nëpunësit e policisë i kanë lutur të mos kenë lutje për festën e Ramazan Bajramit, ministri teknik i Punëve të Brendshme, Naqe Çulev, deklaroi se Trupi koordinues pranë MPB-së miratoi vendim që anëtarët e MPB-së të veprojnë në mënyrë parandaluese në drejtim të parandalimit të çfarë do lloji të tubimeve më të mëdha ose shkelje të masave.
Ministri Çulev e vlerësoi veprimin e sotëm parandalues të policisë së Strumicës për shpërndarjen e maskave dhe dorezave dhe shtoi se veprime të tilla kryhen çdo ditë nga MPB-ja.
“Veprimi i MPB-së kishte për qëllim t’u tregojë pjesëtarëve të bashkësisë fetare, gjegjësisht priftërinjve, të veprojnë në përputhje me vendimet dhe masat e Qeverisë dhe jo të mos mbahen lutje fetare, por të gjitha lutjet të bëhen konform masave dhe vendimeve të qeverisë. Pra, Ministria e Punëve të Brendshme në asnjë mënyrë nuk do të dëshironte të ushtrojë presion ndaj bashkësive fetare në realizimin normal të riteve të tyre fetare”, tha Çulev gjatë vizitës së tij të sotme në Strumicë.
