“Të rinjtë dëshirojnë sfida dhe ka rritje të interesimit për njohuri sipërmarrësie dhe për zhvillim të inovacioneve dhe ideve të biznesit. Dëshirojnë të fitojnë njohuri, veçanërisht në fushën e sipërmarrësisë dhe pastaj t’i shfrytëzojnë me mençuri për krijimin e ideve kreative të biznesit dhe ideve për inovacione. Realizimi i atyre ideve, do të thotë përmbushjen e ëndrrave të mëdha të fëmijërisë dhe krijimin e krijuesve dhe shtytësve të ardhshëm të proceseve dhe ndryshimeve pozitive në shoqërinë”.
Këtë e theksoi ministrja e Arsimit dhe Shkencës Milla Carovska gjatë ngjarjes së sotme përfundimtare në korniza të garës nacionale të kompanive të nxënësve që tashmë disa vite e organizon Junior Açivment, ku ishin të shpallur fituesit për vitin shkollor 2020/2021.
Carovska shprehu kënaqësi që për herë të dytë ka mundësi të marrë pjesë në shpalljen e fituesve të garës dhe shtoi se garat e tilla e zhvillojnë shpirtin individual dhe kolektiv të garës, këmbënguljen, vetëdijen personale dhe përgjegjësi, si dhe aftësinë për të punuar në ekip , siç theksoi, janë veçanërisht vlera të rëndësishme që duhet të bazohen në ndërtimin e secilit karakter, sepse janë baza për vendosjen dhe realizimin e qëllimeve dhe rezultateve të mira në nivel privat dhe profesional.
“Ky është një nga momentet përmes të cilës shihet se Maqedonia e Veriut ka potencial të madh kadrovik. Ka të rinj që janë garantues për të ardhmen e saj të mirë dhe ata duhet të mbështeten, puna dhe dëshira e tyre për zhvillim duhet të stimulohen. Ndërsa si institucione të sistemit në bashkëpunim me sektorin qytetar, por edhe partnerët tanë ndërkombëtarë të cilët punojnë në realizimin e qëllimeve globale për zhvillim të qëndrueshëm, pikërisht atë po e bëjmë”, tha Carovska, duke shtuar se është e bindur që të rinjtë i njohin të gjithë mundësitë e reja që shteti i krijon për ato sidomos në 3-4 vitet e fundit.
Ministrja i përshëndeti të gjithë pjesëmarrësit në garën, ndërsa i përgëzoi për suksesin e atyre që arritën deri në finale.
