Ministrja e Arsimit dhe Shkencës, Mila Carovska nuk ka ndryshuar qëndrim dhe thotë se matura shtetërore do të mbahet, pasi siç thotë nuk ka opsion tjetër.
Në një intervistë për MIA-n ajo thotë, se që të anulohet matura shtetërore, duhet të bëhen ndryshime ligjore.
“Unë si ministre e arsimit dhe shkencës jam e detyruar ta zbatoj Ligjin. Ligj është i qartë, matura shtetërore është pjesë e zgjidhjes ligjore”, tha mes të tjerash Carovska.
Se a mund të ndodh që të kemi ndryshime ligjore dhe matura mos të mbahet për këtë gjeneratë, Carovska me përgjigje se “ndryshimet ligjore do të mund të anulojnë maturën shtetërore për gjeneratën e ardhshme”.
