Po ju drejtohem me një ndjenjë të thellë të rëndësisë së zgjedhjeve të dyfishta të mërkurën. Vendi ynë është në një udhëkryq, vendimi që do të marrim do të formësojë fatin e Maqedonisë në vitet në vijim. Vota juaj nuk do të jetë vetëm përmbushje e detyrës qytetare, por edhe aksion në trashëgiminë që do të lëmë”, thotë Fatmir Bytyqi, nënkryetar i LSDM-së dhe i dyti i listës së kandidatëve për deputetë të Koalicionit për ardhmëri evropiane në njësinë zgjedhore 2, në një video.
Ai thekson se çdo votë është e çmuar, duke theksuar se zgjedhjet mund të fitohen ose humbasin me dallime të vogla, por me pasoja të mëdha.
“Kjo është arsyeja pse secili prej jush është i rëndësishëm për ne që të vazhdojmë në rrugën tonë drejt Bashkimit Evropian. Të mos lejojmë të devijojmë nga ajo që kemi ndërtuar bashkë dhe me kujdes prej shtatë vitesh. Dëshira juaj për një standard dhe cilësi jetese evropiane është më e rëndësishmja dhe ne mund ta përmbushim këtë duke e rrumbullakosur numrin 1”, thotë Bytyqi
Nënkryetari i LSDM-së dhe kandidat për deputet, Bytyqi përkujton se para shtatë vitesh dolëm nga hijet e përçarjes dhe të një shteti të kapur, ndërsa paralajmëroi se nacionalizmi dhe izolimi po përgjojnë sërish, siç thotë ai, në pragun tonë.
“Nuk duhet të na trembë sepse ne kemi fuqinë të vendosim për fatin tonë. Secili prej nesh mban përgjegjësi, askush nuk lihet jashtë. Pavarësisht nëse jeni fermerë, mësues, mjekë apo studentë – zëri juaj ka rëndësi. Prandaj, më 8 maj dilni në zgjedhje dhe votoni për LSDM-në dhe Koalicionin për Ardhmërinë Evropiane, zgjidhni progresin, lini pas një trashëgimi progresi, unitet në diversitet dhe prosperitet”, thotë Fatmir Bytyqi i dyti nga lista e kandidatëve për deputetë të Koalicionit për Ardhmërinë Evropiane në njësinë zgjedhore 2.
