Borrelli lajmërohet nga takimi Kurti-Vuçiq: Dialogu ka sjellë rezultate të rëndësishme për qytetarët


Përfaqësuesi i Lartë i Bashkimit Evropian për Politika të Jashtme dhe Politika të Sigurisë, Josep Borrell, nga takimi ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, ka thënë se dialogu dhe rezultati që del nga ai është rruga drejt të ardhmes evropiane të të dyja palëve.
Ai tha se dialogu ka sjellë rezultate të rëndësishme për qytetarët e Kosovës dhe ata të Serbisë.
“Unë jam duke pritur një takim të ri të Dialogut të Nivelit të Lartë Beograd Prishtinë sot me Presidentin Aleksandar Vuçiq dhe kryeministrin Albin Kurti”, ka shkruar Borrell.

“Dialogu dhe rezultati i tij është rruga drejt së ardhmes evropiane të të dy palëve. Ndërkohë, ai solli rezultate të rëndësishme për qytetarët e tyre”, ka theksuar ai.
I am hosting a new meeting of the High Level Belgrade-Pristina Dialogue today with President @predsednikrs and Prime Minister @albinkurti.
The Dialogue and its outcome is the path to the European future of both sides. Meanwhile, it brought important results for their citizens.

Takimi i parë ndërmjet Kurtit dhe Vuçiqit po zhvillohet nën ndërmjetësimin e Borrellit dhe përfaqësuesit të BE-së për dialogun, Miroslav Lajçak.
Borrell paraprakisht i ka takuar ndaras Kurtin e Vuçiqin, ndërsa pas takimit pritet të mbahet një konferencë për media.