Shkalla e papunësisë në Maqedoninë e Veriut ka rënë, njoftojnë nga Enti Shtetëror i Statistikave.
Shkalla e aktivitetit dhe punësimit është 0.2 më e lartë në krahasim me tremujorin e parë të vitit, ndërsa shkalla e papunësisë është më e ulët me 0.1.
Në tremujorin e dytë të këtij viti, në vend kishte 1.681,862 shtetas të aftë për punë, nga të cilët 945.412 ishin aktivë, nga të cilët 795.271 të punësuar dhe 150.141 të papunë.
Shkalla e aktivitetit në këtë periudhë është 56.2, shkalla e punësimit është 47.3, ndërsa shkalla e papunësisë është 15.9.
