06:43 Trump fiton në Ajoa dhe Montana
Agjencia e lajmeve, Associated Press e ka shpallur presidentin aktual, Donald Trump fitues edhe në Ajoa dhe Montana.
I nominuari i republikanëve ka fituar gjashtë vota elektorale nga Ajoa dhe tri të tjera nga Montana.
05:55 Vijon numërimi i votave në SHBA, Joe Biden në epërsi
Në Shtetet e Bashkuara janë duke u numëruar votat nga zgjedhjet presidenciale të 3 nëntorit.
Në garë për të parin e Shtëpisë së Bardhë janë presidenti aktual Donald Trump i cili vjen nga Partia Republikane dhe ish-zëvendëspresidenti Joe Biden nga Partia Demokratike.
Për t’u shpallur fitues, njëri nga kandidatët duhet të sigurojë së paku 270 vota elektorale.
Kolegji Zgjedhor ka në total 538 vota të tilla.
