Inspektorati i Qytetit të Shkupit gjatë ditës së sotme ka kryer mbikëqyrje të jashtëzakonshme në terren përmes kontrolleve të autobusëve dhe furgonëve të cilët transportojnë udhëtarë, me ç’rast është gjobitur kompania “Shoqatë për transport, tregti dhe shërbime Rojal Travel SHPKNJP import-eksport Shkup” dhe për kompaninë do të parashtrohet kallëzim tek institucionet kompetente, njoftojnë nga Qyteti i Shkupit.
Prej atje theksojnë se kompania “Rojal Travel SHPKNJP” në të cilën është regjistruar furgoni është themeluar më 28 dhjetor 2021 dhe sipas informacioneve të publikuara këto ditë në media bëhet fjalë për persona dhe automjete të lidhura me “Besa Trans”.
Kompanisë “Besa Trans” i është marra licenca për kryerjen e transportit të udhëtarëve të brendshëm pa pagesë dhe linja speciale dhe licenca për kryerjen e transportit ndërkombëtar falas të udhëtarëve nga Ministria e Transportit dhe Post-Telekomunikacionit, pasi paraprakisht kishte konstatuar parregullsi në funksionim, moszbatim të ligjet dhe detyrimet ligjore që ajo si shoqëri është e detyruar t’i respektojë.
“Qyteti i Shkupit në vazhdimësi kryen kontrolle në terren, me qëllim që ligjet të cilat janë të parapara për këtë aktivitet të respektohen dhe të zbatohen në funksionimin e përditshëm të kompanive që punojnë me transport publik dhe në këtë mënyrë të mundësohet kryerja cilësore dhe e përgjegjshme e veprimtarisë. Nga transportuesit dhe mbrojtjen e sigurisë së qytetarëve. Institucionet kompetente do t’i dërgohen kallëzime përkatëse për veprime”, kumtojnë nga Qyteti i Shkupit.
