Masat nga pakoja e katërt ekonomike do të fillojnë të realizohen menjëherë sa do të miratohet rebalanci i Buxhetit në Kuvend.
Kështu ka bërë të ditur ministri i Ekonomisë, Kreshnik Bekteshi, duke shtuar se gjithçka është duke u zhvilluar sipas parashikimeve dhe se pronarët dhe qytetarët me kohë do ta marrin ndihmën.
“Rebalanci i Buxhetit është miratuar në seancën e djeshme qeveritare. Masat nga pakoja e katërt do të fillojnë të realizohen menjëherë pasi të kaloj rebalanci në Kuvend”, ka thënë Bekteshi.
