Ministri i Ekonomisë, Kreshnik Bekteshi në një status në rrjetin social Facebook ka bërë të ditur që gjatë sezonit të ngrohjes do të kemi furnizim të pandërprerë me linjit, mazut dhe qymyr nga Greqia, përcjell expuls.mk. Bekteshi gjithashtu bën të ditur se po punohet për zgjidhje në këtë krizë energjetike për të ndihmuar amvisërit dhe kompanitë që të kalojnë dimrin me sa më pak pasoja të mundshme./Expuls.mk/
Statusi i plotë i ministrit të Ekonomisë Kreshnik Bekteshi:
Gjatë sezonit të ngrohjes do të kemi furnizim të pandërprerë me linjit, mazut dhe qymyr nga Greqia.
Në bashkëpunim me fqinjët tanë, po punohet për prokurimin e energjisë dhe lëndëve të para për të rritur prodhimin vendor të energjisë elektrike në pritje të një prej dimrave më të vështirë.
Në takimin e sotëm me kryeministrin Kovaçevski, kryeministrin grek Micotakis dhe ekipet tona të energjetikës nga të dyja vendet, u dakordësuam që përshpejtimi i zbatimit të projekteve strategjike energjetike tashmë të filluara ndërmjet Maqedonisë së Veriut dhe Greqisë, si dhe ndërtimi i projekteve të reja energjetike nga Investitorët e interesuar grekë në vendin tonë janë të një rëndësie të jashtëzakonshme për të arritur një pavarësi më të madhe energjetike të vendit tonë.
Po punojmë për zgjidhje në këtë krizë energjetike për të ndihmuar amvisërit dhe kompanitë që të kalojnë dimrin me sa më pak pasoja të mundshme.
