Asambleja e Përgjithshme e Kombeve të Bashkuara votoi me shumicë dërrmuese pro dënimit të pushtimit të Rusisë në Ukrainë, të mërkurën. Ndër vendet që votoi pro ka qenë edhe Serbia.
Serbia kishte deklaruar se e përkrah integritetin territorial të Ukrainës, por vazhdon të jetë e vendosur që të mos i bashkohet Perëndimit që t’i vejë Rusisë sanksione.
FOTO
Rezoluta u mbështet nga 141 vende në asamblenë e përbërë prej 193 anëtarëve. Sipas rezolutës, “dënohet me termat më të fortë agresioni i Federatës Ruse kundër Ukrainës”.
Kërkohet që “Federata Ruse të ndërpresë menjëherë përdorimin e forcës kundër Ukrainës” dhe “të tërheqë menjëherë, plotësisht dhe pa kushte të gjitha forcat e saj ushtarake”.
Megjithëse, nga Serbia nuk pati deklarim zyrtar, me votimin pro të rezolutës ajo dënoi Rusinë.
