Kryegjyshit Botëror të Bektashinjve Baba Mondi, ka mohuar statistikat zyrtare në lidhje me përkatësinë fetare të shqiptarëve.
Baba Mondi, nga emisioni “Rudina” ka thënë se në Shqipëri 50% e popullsisë janë betashinj.
Rudina Magjistari: Baba Mondi keni të dhëna, sa besimtarë bektashinj ka në Shqipëri?
Baba Mondi: Gati gjysma e popullsisë shqiptare janë besimtarë bektashinj.
Rudina Magjistari: 50%?
Baba Mondi: Po, pavarësisht se politika apo regjistrimet që janë bërë janë të gabuara. Ne kemi filluar regjistrimin vetë për t’i treguar njerëzve se sa bektashinj ka në Shqipëri. Nga 70% e myslimanëve në Shqipëri, 50% janë bektashinj.
Rudina Magjistari: Këto janë statistikat dhe të dhënat tuaja?
Baba Mondi: Jo jo janë dokumentet edhe sikur të mos duam ne. Merren regjistrimet e Zogut dhe jo regjistrimet sipas politikës. Ne jemi 2%. 2% jemi ne në Shqipëri? Nuk janë 2% por kjo është politika që ka ngatërruar gjëra të tilla. Megjithatë ne nuk kemi kundërshtuar pavarësisht se kemi filluar regjistrimin vetë. Ka 848 tyrbe në Shqipëri dhe 116 teqe.
