Një tragjedi ndodhi ditën e djeshme në Brazil, ku një avion u rrëzua duke lënë pas 62 të vdekur.
Avioni që u rrëzua ishte i tipit ATR72-500.
Burime bëjnë me dije se dikur avioni ka fluturuar edhe në Shqipëri deri në vitin 2014.
Deri në vitin 2022, avioni është përdorur nga Pelita Air në Indonezi dhe më pas u përdor nga kompania braziliane Voepass deri në tragjedinë e djeshme.
Avioni kishte një konfigurim për 68 pasagjerësh dhe përdorej për fluturime rajonale.
Avioni i vogël me dy motorë ishte nisur nga qyteti i Cascavel në shtetin jugor brazilian të Parana-s, duke u nisur për në aeroportin ndërkombëtar në Sao Paulo.
Linja ajrore Voepass konfirmoi se avioni i saj ishte përfshirë në aksident dhe thotë se “ende nuk ka konfirmim se si ndodhi aksidenti “
Presidenti brazilian Luiz Inacio Lula da Silva mbajti një minutë heshtje në një event, teksa shprehu ngushëllime për familjarët.
Në qytetin Vinhedo, ku u rrëzua avioni, zyrtarët thonë se vetëm një shtëpi në kompleksin lokal të bashkëpronësisë është dëmtuar.
