Ekskavatorët po e sheshojnë oborrin e shkollës së mesme “Arseni Jovkov” në Shkup. Banorët druajnë se se në këtë lagje do të mbijë edhe një banesë tjetër. Por në fakt këtu do të ndërtohen dy autolarje dhe një parking.
“Në oborrin e shkollës së mesme “Arseni Jovkov” të komunës së Butelit do të ndërtohet auto-larje. Pronari nuk deshi të flasë para kamerës, por përmes telefonit na tha i gjithë dokumentacioni është në rregull dhe se ka leje nga Qyteti i Shkupit”.
Ndërtimi do të përfundoj për dy muaj, thotë koncesioneri. E drejtoresha e shkollës Marija Drenkovska Stojanovska thotë se ndërtimi i autolarjeve dhe parkingut nuk do të pengojë në zhvillimin e procesit arsimor. Fillimisht pranoi të japë deklaratë para kamerës, por pastaj ndërroi mendje. Përgjigjen e morëm me shkrim.
“Një pjesë e hapësirës është planifikuar të shtrohet me pllaka bekatoni për hapësirë parkimi, në një pjesë të hapësirës do të instalohen lavatriçe të parafabrikuara dhe pjesa tjetër e hapësirës do të jetë me hortikulturë. Qiramarrësi është i detyruar në llogarinë e tij të sigurojë të gjitha pëlqimet e nevojshme – lejet nga autoritetet kompetente, si dhe të përmbushë të gjitha detyrimet sipas kontratës, përndryshe ajo do të përfundojë. Çmimi në marrëveshjen e qirasë është 18.66 denarë/m2 ose 12,260.00 denarë në muaj për secilën parcelë veç e veç”, tha Marija Drenkovska Stojanovska, drejtoreshë e SHMQSH “Arseni Jovkov”.
Banorët e zonës në oborrin e shkollës kërkojnë fushë sporti, e jo objekte nga të cilat nxënësit nuk kanë dobi. Por drejtoresha thotë se këtu është paraparë se edhe një fusha e sportit. Kjo nuk është shkollë e vetme në oborrin e së cilës ndërtohet objekt ku zhvillohet biznes. Në oborrin e një shkolla në Çair është hapur biznes për larje të qilimave, e në një shkollë tjetër shitore për luleve.
