Australia ka njoftuar një ndihmë tjetër ushtarake prej 26,5 milionë dollarësh për Ukrainën. Zyra e kryeministrit Scott Morrison tha se armët kundër blindave do të rrisin më tej aftësitë e forcave ukrainase. Në njoftim nuk zbulohen detaje të ndihmës së re ushtarake apo si do t’i dorëzohen Ukrainës. Deri më tani, Australia ka njoftuar 191 milionë dollarë ndihmë ushtarake për Ukrainën.
“Australia mund të jetë mijëra kilometra larg, por ne qëndrojmë krah për krah me Ukrainën kundër këtij pushtimi të paligjshëm me armë, pajisje, ndihma dhe madje edhe me burime të energjisë”, tha Morrison.
Sipas kryeministrit australian, kjo lu*ftë është e rëndësishme, sepse “jo vetëm që janë në rrezik jetët e ukrainasve dhe tokat e tyre, por edhe parimet e lirisë dhe sundimit të ligjit”. Ai tha se vendi i tij qëndron me popullin e Ukrainës dhe i bëri thirrje Rusisë që të ndalojë “pushtimin e paligjshëm” të Ukrainës.
– Zelanda e Re do të lëshojë më shumë rezerva të naftës
Ndërkohë, qeveria e Zelandës së Re njoftoi se do të lëshojë 483 mijë fuçi nga rezervat e saj të naftës emergjente si pjesë e përgjigjes së vendeve anëtare të Agjencisë Ndërkombëtare të Energjisë (IEA) ndaj ndikimit të vazhdueshëm global në sigurinë energjetike për shkak të lu*ftës Rusi-Ukrainë.
“Masa e kontributeve në tërheqjen e aksioneve tani është përcaktuar nga IEA dhe Zelanda e Re është zotuar për pak më shumë se shuma e kërkuar nga IEA pasi kontratat tona lëshohen si një e tërë”, tha Megan Woods, ministre e Energjisë dhe Burimeve.
Lu*fta Rusi-Ukrainë, që filloi më 24 shkurt, ka shkaktuar zemërim ndërkombëtar, ka shkaktuar zemërim ndërkombëtar, me Bashkimin Evropian (BE), SHBA-në dhe Mbretërinë e Bashkuar, ndër të tjera, që po zbatojnë sanksione të ashpra financiare ndaj Moskës.
Sipas vlerësimeve të Kombeve të Bashkuara (OKB), të paktën 1.611 civilë janë vrarë dhe rreth 2.300 të tjerë janë plagosur që nga fillimi i lu*ftës në Ukrainë, megjithatë shifra e vërtetë dyshohet se është shumë më e lartë.
Agjencia e OKB-së për Refugjatë (UNHCR) njofton se mbi 4,3 milionë ukrainasë gjithashtu kanë ikur jashtë vendit, ndërsa miliona të tjerë janë zhvendosur brenda vendit.
