Dje (16.11.2023) zyrtarët policorë nga SPB Shkup kanë privuar nga liria J.G. (53) nga Shkupi për shkak të deklarimit të rremë. Gjegjësisht, dje rreth orës 19:00 J.G. ka raportuar në SPB Shkup se në Shkup dy persona me furgon “Mercedes” kanë tentuar të rrëmbejnë një të mitur, por nuk kanë arritur. Menjëherë pas marrjes së kallëzimit, punonjësit e policisë kanë ndërmarrë masat dhe veprimet e duhura dhe kanë konstatuar se kallëzimi është i rremë, pra nuk ka asnjë rast të tillë. Më pas, me denoncuesin është zhvilluar një intervistë zyrtare në të cilën ka pranuar se e ka shpikur ngjarjen, bazuar në postimet e rreme që janë shpërndarë këto ditë në rrjetet sociale për rrëmbyesit e dyshuar. Në konsultim me PTHP Shkup, J.G. është privuar nga liria dhe kundër tij do të bëhet kallëzim penal përkatës.Pa Censure
