Një 27 vjeçar nga Turqia është arrestuar të shtunën në Aeroportin e Shkupit. I arrestuari ka qenë në kërkim me masë arresti nga INTERPOL-i.
“Më datë 26.11.2022 në ora 08.50 në vendkalimin kufitar ‘Aeroporti Ndërkombëtar Shkup’ me hyrje në RMV, gjatë kontrollit të pasaportave është konstatuar se J.F(27) nga Republika e Turqisë është regjistruar në regjistrat operativ me masën ‘arrest’ pas kërkesës së Interpolit. Ai i është dorëzuar efektivëve të Komisariatit të Policisë Kisella Vodë për procedim të mëtejshëm”, thuhet në njoftimin e MPB-së./KlanMacedonia
