Policia e Kosovës njofton se ka arrestuar të dyshuarën për vjedhjen e një kutie xhami me para që grumbulloheshin për bamirësi.
Rasti ka ndodhur në Gjakovë, më 20 qershor në orën 21:10.
“Është arrestuar e dyshuara femër kosovare, për arsye se ditë më parë dyshohet se kishte vjedhur nga barnatorja e ankuesit kosovar një kuti xhami në të cilat kishte para që i grumbullonin personat për bamirësi”, thuhet në raport.
E dyshuara pas intervistimit me vendim të prokurorit është dërguar në mbajtje.
