Alsat mëson se anëtarët e Komisionit Shtetëror të Zgjedhjeve sot do të takojnë Presidentin, Stevo Pendarovski, për të biseduar për afatet e mundshme zgjedhore.
Takimi vjen një ditë pasi liderët e partive politike kërkuan nga institucionet kompetente, Komisioni për sëmundje ngjitëse, KSHZ-ja dhe OSBE/ODIHR, të përcaktojë se kur vendi do të mund të shkojë në zgjedhje dhe nëse ka kushte që procesi të monitorohet.
Komisioni për sëmundje ngjitëse duhet të përpilojë protokoll në të cilin do të parashikohen masa mbrojtëse gjatë votimit.
KSHZ-ja duhet të definojë sa kohë i duhet për organizimin e zgjedhjeve, kurse, OSBE/ODIHR duhet të vlerësojë nëse është e gatshme të monitorojë procesin zgjedhor me vëzhguesit e tyre, siç kanë bërë në proceset e kaluara.
