Kjo njësi ofron mbështetje gjatë sulmeve nga ajri, lëvizshmëri dhe evakuim të të lënduarve, ndërsa është e vendosur në Nashville, me partnerë në Jackson dhe Louisville
Garda Kombëtare e Tennessee do t’i dislokojë mbi 125 ushtarë, pjesë e Batalionit Sulmues të Helikopterëve, në Kosovë, si pjesë e forcave të NATO-s.
Kjo njësi ofron mbështetje gjatë sulmeve nga ajri, lëvizshmëri dhe evakuim të të lënduarve, ndërsa është e vendosur në Nashville, me partnerë në Jackson dhe Louisville.
“Ushtria amerikane ka qenë vazhdimisht prezente në Kosovë për 20 vjet, ndërsa në vitet e fundit këto forca janë udhëhequr nga Garda Kombëtare”, ka thënë gjeneral-majori Max Haston.
“Stabiliteti në këtë vend është përkushtim i Shteteve të Bashkuara të Amerikës dhe NATO-s, ndaj Garda Kombëtare e Tennessee ka ndihmuar vazhdimisht në këtë drejtim”.
Veç këtij misioni, Garda Kombëtare e Tennessee do të nisë ushtarë edhe në dy misione tjera, për të mbështetur prezencën ushtarake në NATO-s në Poloni.
Regjimenti i 278-të i mjeteve të blinduara do ta drejtojë Trupën e Përbashkët Shumëkombëshe në Ukrainë, ku do të punojë me ushtarë nga Polonia dhe Kanadaja.
