Ambasada britanike në RMV sot dhuroi pajisje për Armatën për mbështetje për ballafaqimin me situatën me koronavirusin.
Ambasada britanike në profilin e tyre zyrtar në Tuiter publikoi se është me rëndësi të qëndrojmë së bashku në këto kohëra me sfida.
“Sekretari shtetëror Nikoliq e pranoi donacionin britanik të dorezave mbrojtëse dhe disa lloje pompash me presion të lartë dhe pompa dore për dezinfektim. Ushtria kujdeset për qytetarët, ne kujdesemi për sigurinë dhe mbrojtjen e ushtarëve tanë”, publikoi Ministria e Mbrojtjes në Fejsbuk.
Ministrja e Mbrojtjes Radmila Shekerinska dhe ambasadorja britanike Reçjel Gallouej paraprakisht diskutuan përmes një thirrje konferencë për informacionet e fundit mbi koronavirusin në vend, si dhe për bashkëpunimin e ardhshëm në mbrojtje.
“Realizuam takim virtual me ministren e Mbrojtjes Shekerinska sot për të diskutuar për informacionet më të fundit mbi situatën me koronavirusin në Maqedoninë e Veriut dhe bashkëpunimin e ardhshëm në mbrojtje. Ishte kënaqësi e imja të dëgjoja për përpjekjet e Ushtrisë të cilët punojnë me institucionet kryesore në luftën kundër Kovid 19”, ka shkruar në Tutier ambasadorja britanike.
