Kryetari i Bashkimit Demokratik për Integrim (BDI), Ali Ahmeti, ka ngushëlluar familjen Zhitia dhe miqtë e saj me rastin e vdekjes se Sylë Zhitisë, vëllait të heroit të Kosovës.
“Sylë Zhitia, vëllai i heroit të kombit Afrim Zhitia, veprimtar i çështjes kombëtare, anëtar i LPK-së, përkrahës i Ushtrisë Çlirimtare të Kosovës, shok dhe bashkëmendimtar, sot u nda nga jeta. Ndjej dhimbjen e prindërve, bacës Osman e nanës Qamile, bashkëshortes dhe djemve e nipave, motrës Sadete dhe vëllait Naimit bashkë me të gjithë miqtë e dashamirët e familjes atdhetare Zhitia. Ngushëllime e mia më të sinqerta familjes dhe shoqërisë”, ka shkruar Ahmeti në llogarinë e vet në “Facebook”.
