Presidenti egjiptian Abdel-Fattah al-Sisi përshëndeti marrëveshjen e ndërmjetësuar nga SHBA-ja midis Izraelit dhe Bahreinit për normalizimin e marrëdhënieve të tyre, duke e quajtur atë një hap të rëndësishëm dhe historik.
“Unë e lavdëroj këtë hap të rëndësishëm drejt vendosjes së stabilitetit dhe paqes në Lindjen e Mesme në një mënyrë që përmbush një zgjidhje të drejtë dhe të qëndrueshme për problemin palestinez”, tha ai në një deklaratë në internet.
Al-Sissi shprehu, gjithashtu, vlerësimin e tij për të gjithë ata që janë angazhuar në zbatimin e këtij hapi historik.
Egjipti është vendi i parë arab që nënshkroi një traktat paqeje me Izraelin, në vitin 1979.
